ശാസ്ത്ര കൗതുകം – 2019: വലയ സൂര്യഗ്രഹണം പഠന ക്ലാസ്സും സൗര കണ്ണട നിർമ്മാണവും നടത്തി
കൊടുവഴങ്ങ ശ്രീനാരായണ ക്ലബ്ബ് & ലൈബ്രറിയുടെ ബാലവേദിയുടെയും ആലുവ അല്‍ അമീന്‍ കോളേജ് ഭൗതിക ശാസ്ത്ര വിഭാഗത്തിന്‍റെയും ആഭിമുഖ്യത്തില്‍വലയ സൂര്യഗ്രഹണം പഠന ക്ലാസ്സും സൗര കണ്ണട നിർമ്മാണവും നടത്തി. താലുക്ക് ലൈബ്രറി കൗണ്‍സില്‍ ജോയിന്റ് സെക്രട്ടറി വി. ജി. ജോഷി ഉത്ഘാടനം ചെയ്തു. അല്‍ അമീന്‍ കോളേജ് ഭൗതിക ശാസ്ത്രവിഭാഗം അസിസ്റ്റന്റ് പ്രൊഫസര്‍ ഡോ. ശ്രീജ. എസ്. ക്ലാസ്സ്‌ നയിച്ചു. ബാലവേദി പ്രസിഡന്റ് അഖില്‍ ജോയ് അദ്ധ്യക്ഷത വഹിച്ച യോഗത്തിന് സെക്രട്ടറി ദേവികൃഷ്ണ. പി. യു. സ്വാഗതവും ഭദ്ര. എസ്. അനില്‍ കൃതജ്ഞതയും രേഖപ്പെടുത്തി. തുടര്‍ന്ന് ഡിസംബര്‍ 26 ന് നടക്കുന്ന വലയ സുര്യ ഗ്രഹണം കാണുന്നതിന് കുട്ടികള്‍ക്ക് സൗര കണ്ണട നിർമ്മാണവും നടത്തി . ലൈബ്രറി സെക്രട്ടറി ടി. വി. ഷൈവിന്‍ വൈസ് പ്രസിഡന്റ് അഖില്‍. കെ. എ, യുവത സെക്രട്ടറി അഖില അശോകന്‍ എന്നിവര്‍ സംബന്ധിച്ചു.
